Kung Tuluyan...

Kung tuluyang ika'y mawawala

Ano na ang kahihinatnan

Ng mga pangarap na binuo

Kasama ng mga pusong nananahan

Sa lilim ng ating pagmamahalan?

Kung tuluyang ika'y mawawala

Saan na mapupunta

Ang pagmamahal na inilaan

Na tanging sa iyo'y

Buong-buo ibinigay?

Kay hirap namang isipin

Na ang dalawang pusong

Minsang nagbigay-saya

Ay maghihiwalay

Nang dahil lamang sa iba.

Pilit lumalaban ngunit bakit iba

Ang pakiramdam na nag-iisa ka lang?

Animo'y isang dahong nakabitin sa sanga

Naghihintay lamang na dampian

Ng hangin at malaglag sa lupa.

 Aasa na lamang na maramdaman

Ng pusong ngayo'y balisa

Ang pangangailangan pa

Ng pagmamahalang uhaw

Sa pag-ibig nating dalawa.

-bakit ko ba naisulat ito? hahaha :))  *Weird*